Teorìo de l'elicoutèri

Pèr countourroula lou routor de darrié lou pilot dispauso d'uno coumando i pèd :

Mai es poussible de se passa dóu routor de darrié ?
Mai segur que O !...
Mai alor COUME SE FAI ?

Se lou routor de darrié es supremi fau assouludamen supremi le couble moutour que s'apiejo subre la celulo, autramen aquelo darriéro se boutarié de virouieja subre élo-meme. Adounc fau emperativamen que lou mouvamen de routacioun dóu routor siegue entrina pèr uno autro causo que lou mast routor. Lou "routor sènso couble" es esta emplega subre aparèi de pichoto taio à palo reativo, la serìo SO 1100, 1110 e A 1120 Ariel I, II et III, lou SO 1221 Djin e lou Farfadet de la Soucieta SNCASO devengudo à l'ouro d'aro Eurocopter. Lou moutour genero uno boufado d'èr pouderouso que passo dins lou mast routor libre e que ressort au bout de palo en travès de brulaire. Aquelo counfiguracioun a viscu uno pichoto passado car a fa vèire si raro et avié desaveni forço mai impourtant que la counfiguracioun emé un routor de darrié.

Es dins aquelo counfiguracioun que li proumiés elicoutèri soun esta desvouloupa i Estat Uni despièi 1942 e en Franço à la debuto dis annado 1950 souto lou noum d'elicoutèri à reacioun.

Coumençaren pèr aquelo counfiguration de vòu mai simplo de capi pamens forço mai delicado en fàsi de piloutage. Veirés perqué.

L'avèn ja vist, pèr que l'elicoutèri se pousquèsse desranca, fau que la forço resultanto de soustèn Fn siegue mai grando que soun pes en cargo P. Aquelo forço de soustèn es coungreio pèr la meso en routacioun di palo qu'an quauco incidènci.

Avèn vist tambèn qu'aquelo forço Fn despènd de la vitesso circounferencialo di forço elementàri fn tout lou long di palo. Aqueli forço s'expremisson pèr la fourmulo :

Pèr que fugués counvincu de l'eisistènci d'aqueli forço e dóu biais de la faire varia, abasto que boutessias vosto man duberto d'en travès de la porto de vosto veituro quouro se mòu. Veirés que vosto man tènd de s'eigreja pus o mens :

Lis estùdi e l'esperiènci an moustra que la proumiero soulucioun éro pas vivable e an coundu de privilegia un routour virant emé uno vitesso coustanto e qu'éro mai eficace e mai eisa de countourroula la forço Fn en coumandant l'angle d'encidènci di palo nouma lou pas. Acò es la variacioun dóu pas couleitiéu.

Li palo podon reviroula à l'entour d'un aisse ourizountau pèr faire varia si encidènci. Pèr cado palo, uno bieleto religo un levié que ié es soulidàri à un platéu que pòu coulissa lou long dóu mast routour. Quouro lou platéu resquiho vers lou daut, li bieleto buton li levié pèr crèisse lou pas, vers le bas pèr l'amerma.

Se lou platéu coulisso paralelamen à éu-même, lou pas de tóuti li palo vario de la memo quantita dins lou meme tèms, es pèr acò se dis variacioun dóu pas couleitiéu vo tambèn variacioun dóu pas generau.

Pèr countourroula lou pas generau, lou pilot dispauso, à la senèstro de soun sèti, d'un levié que pòu manoubra vers lou daut pèr aumenta lou pas e vers lou bas pèr l'amerma. Bono-di uno timounarié (turqueso), aquéu levié permet lou coulissamen dóu platéu paralelamen à éu-même lou long dóu mast routour.

L'elicoutèri es pausadis : i'a ges de forço de soustèn Fn e soun pes P lou tèn au sòu.
L'elicoutèri es au sòu e soun routour viro à sa vitesso d'aprofichamen : lou pas generau es feble dounc la forço de soustèn Fn es feblo e inferiouro au pes en cargo P de l'aparèi. Aquéu darrié es mantengu au sòu.

Noto : la timounarié es pourgido d'un biais tras qu'assemplido. Segur, es de pas coumta la timounarié de la variacioun ciclico dóu pas esplicado mai luen.

Adounc, pèr faire desranca soun elicoutèri, lou pilot tiro d'à cha pau lou levié dóu pas couleitiéu pèr aumenta lou pas generau à sache l'angle d'encidènci de cado palo, ço que vàu à dire pèr crèisse la forço de soustèn Fn. Quouro la forço de soustèn Fn sara superiouro au pes en cargo P de l'aparèi, alor sara le tèms dóu desranca. L'elicoutèri mounto tant que Fn > P.

Lou pilot countourrolara lou vòu estationàri en mantenènt Fn = P.

Mai acò noun abasto pas ! Pèrque ?

D'efèt, quouro es en l'èr, l'elicoutèri es soumes à d'ùni fenoumène coume, pèr eisample, lou vènt que tendra de faire balança la celulo souto soun disque routour de soustèn, le pes di passajié, segound soun noumbre, que fan varia lou centrage Dc de l'apparèi.

Fn es pus mai parfètamen egalo e òupousado à P, l'elicoutèri s'encapo alor dins uno instableta que lou pilot dèu poudé assouludamen emenda.

Quouro se balanço, la celulo fai trebasta lou disque routour. Toujour perpendiculàri au disque routour, Fn cambio en direicioun. Se descoumpauso :

en uno forço Fz, mai feblo que Fn, que tend de faire pèrdre de l'autitudo : coume l'avèn vist mai aut, lou pilot emendara facilamen lou fenoumène en tirant coume se dèu lou levié dóu pas generau pèr faire de tau biais que Fz siegue egalo au pes P.
en uno forço Fx que tend de faire desplaça l'aparèi. Aquéu fenoumène de balançage pòu eisista segound tóuti li direicioun, vers lou davans, vers lou darrié, vers la drecho, vers la senèstro e tout acò d'un biais coumbina.

Pèr manteni lou vòu estationàri, lou pilot dèu agué lou mejan de teni Fx = 0 fin que siegue ges de desplaçamen e tambèn Dc = 0 pèr que lou poun d'aplicacioun de la forço Fz counfoundudo emé Fn siegue subre la verticalo dóu centre de gravita G qu'es lou poun d'aplicacioun dóu pes en cargo P de l'aparèi.

Dins la pousturo visto sus la figuro çai-contro, fàu poudé crea un couble pèr redreissa l'aparèi autour dóu centre de soun disque routour.

Lou disque routour es soulidàri de la celulo. Lou poudan pas faire trebasta. Adounc, pèr vira bèu la courreicioun, resto plus que d'atrouba lou mejan de jouga emé li forço elementàri fn pèr agi subre la forço resultanto de soustèn Fn.

Sèmpre dins la pousturo moustrado sus la figuro çai-contro, pèr qu'aquest couble eisisto, fàu descoumpausa lou disque routour en dous seitour, un seitour de davans, en blu, tira imperativamen vers lou daut pèr uno forço F2 e un seitour de darrié, en verd, tira tambèn vers lou daut pèr uno forço F1 que sara mai feblo que F2 de tau biais que la forço de soustèn Fn siegue la resultanto di forço F1 e F2.

Cado palo percoulo un cop li dous seitour à cade tour dóu routour. Fau adounc qu'à cade tour ço que vàu à dire ciclicamen, cado palo vèi soun encidènci crèisse quouro percoulo lou seitour de davans pèr genera F2 e amerma quouro percoulo lou seitour de darrié pèr genera F1. Aquéu chanjamen de pas à cade tour es nouma lou pas cicli. Aquéu chanjamen de pas es óutengu en fasènt trebasta pus o mens lou platéu à l'entour de soun centre O (figuro 2) mentre que, pèr lou pas couleitiéu, lou platéu se desplaço paralelamen à éu-meme (figuro 1).

Aquest platéu se dis ourdinarimen lou platéu cicli.

Fig. 1 : Variacioun dóu pas couleitiéu

Fig. 2 : Variacioun du pas cicli

Cado bieleto que religo cade levié de pas de palo au platéu cicli seguis dounc un'aviado coumandado pèr l'inclinesoun d'aquéu platéu.

La maniho ciclico es plaçado davans lou sèti dóu pilot entre-mitan de si cambo. La maniho pòu pivouta dins tóuti li direicioun à l'entour de soun mandre Pv. Aquel'acioun entrino lou trebasta dóu disque routour coume se aquéu darrié ié restavo de long perpendiculàri.

Ansin, supausan que, durènt lou vòu estatiounàri, uno acioun dóu vènt fague enclina l'aparèi vers la drecho.

Pèr esterleja lou fenoumène, lou pilot va buta la maniho vers la senèstro (g). Se segissèn lou sèns di flècho (g1, g2g, g2d, g3g, g3d) subre la timounarié en roge, vesèn que lou poun G dóu platéu cicli fisse (en blu turqueso) davalo e que lou poun D poujo de la memo quantita à l'entour de l'aisse [X,X']. Li poun G e D dóu platéu cicli viradis (en jaune) òubligon li bieleto de palo de segui l'aviado de soun bord, adounc :

Aquesto diferènci de poutanço creo un couble que tèn de faire redreissa lou disque routour, adounc l'aparèi, vers la senèstro.

Aro, supausan que, dóu tèms d'un desranca, un pichot decentrage en davans causo un pichot cabus de l'elicoutèri vers lou davans.

Pèr esterleja lou fenoumène, lou pilot va tira la maniho vers éu adounc vers lou darrié. Se seguissèn subre la timounarié en blu turqueso (sènso li fècho pèr pas subre-carga la figuro), vesèn que lou poun AV dóu platéu cicli fisse (en blu turqueso) va pouja. Soun poun diamatralamen òupausa va davala de la memo quantita à l'entour de l'aisse [Y,Y']. Li bieleto de palo que seguisson l'aviado dóu bord dóu platéu cicli en jaune :

Aquesto differènci de pourtanço creo un couble que tèn de redreissa lou disque routour, adounc l'aparèi, vers lou darrié.

Dins li dous cas, tre que la pousicioun de l'aparèi es courregido, lou pilot remetra la maniho dins uno pousicioun dicho ' au nèutre'. Fau bèn vèire que, pèr lou vòu estatiounàri e es aqui touto la sutileta dóu piloutage, lou pilot va dèure de long desplaça sa maniho d'uno quantita quasi microumetrico pèr que sa machino restèsse lou mai inmoubile qu'es poussible en-dessus d'un poun fisse dóu sòu.

Clarta pertoucant la variacioun dóu pas couleitiéu : la timounàrié de la variacioun dóu pas couleitiéu es estado presentado emé uno esquèmo vouloutaramen assemplido pèr pas prèndre de l'avanço sus la descricioun de la variacioun dóu pas cicli. En realita, coume lou platéu cicli pòu èstre religa que pèr li tres bieleto dóu pas cicli, lou levié dóu pas generau fa pouja vo davala, paralelamen à éu-meme, lou suport subre lou quau soun fissa li levié de remandamen L1, L2, L3, L4. Li tres bieleto poujon vo davalon de la memo quantita sènso cambia l'encidènci dóu platéu cicli.

III.3 - LE VÓU MEIRADOU

En vòu estatiounàri, pèr manteni soun elicoutèri en vòu estabilisa, lou pilot dèu bèn-apoudera sènso s'aplanta mouvamen que noun countourroulo pas e que soun tant vau dire parasite.

E bé, pèr lou vòu en meirage, es tras que simple... de capi bèn segur !..., lou pilot esplechara "l'avantage dóu desaveni", ço que vau à dire tout bèu just, en estigant de mouvamen que ié van permetre de desplaça soun aerounau dins l'èr.

ALUCAN DOUNC LI FÀSI DIFERENTO DÓU VÓU :

1 - DESRANCA E DESPLAÇAMEN VERS LOU DAVANS :

Note : Supausan, pèr l'esplicacioun, que i'a ges de vènt, que lou centrage es courrèit, adounc que i'a tant-digant ges de fenounene esteriour parasite.

L'aparèi es au sòu, routour virant à sa vitesso de routacioun nouminalo. Li passagié e lou pilot soun asseta à bord. Li bagages soun carga dins la souto. En mai d'acò, soulet respounsable dóu vòu pèr lis ourganisme de la securita aerenco, lou pilot, a verifica davans que tout :

que lou pes toutau en cargo noun passo pas lou pes massimau autorisa pèr lou coustrutour,
que lou centrage resto dins li raro impausado pèr lo coustrutour,
que tóuti lis averacioun prealablo di securita vitalo soun esta facho dins uno prouceduro nounado "pré-vòu", uno tiero de poun indica pèr lou coustruour,
qu'a agu òuteni l'autourisacioun de desranca pèr lis ourganisme de la régulacioun aerenco di quau depènd.

Lou pilot pousiciouno li tres coumando à sache, lou levié L de variacioun dóu pas couleitiéu, la maniho M de variacioun du pas cicli e lou palouméu P peraqui "au nèutre".
L'elicoutéri resto au sòu. Dounc, pèr l'istant, la forço de soustèn Fn es bèn mens impourtanto que lou pes toutau P de l'aparèi en cargo :

Fn < P

Pèr desranca, fau que la forço de soustèn Fn devenguèsse mai impourtanto que lou pes P. Pèr acò faire, lou pilot tiro à éu, emé délicadesso, lou levié L de variacioun dóu pas couleitiéu. Coume acò, crèis l'encidènci de tóuti li palo dóu routour e Fn aumento fin que siegue mai grando que lou pes P. L'aparèi desranco e prèn de l'autitudo. Quouro lou pilot estimo que l'autitudo es bastanto, à l'entour de 5 mètre de autour, mantèn lou leviè L dins uno pousicioun quouro la forço Fn es egalo au pes P pèr engarda l'aparèi en vòu estationàri.

Aro, pèr faire desplaça l'aparèu vers lou davans, fau genera uno forço Fx de meirage. Pèr acò faire, lou pilot buto, emé délicadesso, la maniho M de variacioun dóu pas cicli pèr faire pivouta la forço Fn de soustèn vers lou davans. L'angle d'encidènci di palo que percoulon lou mié-disque de davans dóu routour amermo. L'angle d'encidènci di palo que percoulon lou mié-disque de darrié dóu routour aumento d'uno memo quantita. Un couble de trebastado es genera. La forço Fn se descoumpauso alor en 2 coumpausanto, la coumpausanto Fx que va proudurre lou mouvamen vers lou davans e la coumpausanto Fz de soustèn que va s'òupausa au pes P de l'aparèi.
Mai dins la manobro, la coumpausanto Fz es inferiouro à la forço Fn de soustèn e emendo pus lou pes P de l'aparèi que perd de l'autitudo. Lou pilot dousara tournamai e en meme téms soun tiramen dóu levié L de variacioun dóu pas couleitiéu pèr counserva soun autitudo.
Emé lou palouméu P que emendo lou couble moutour, lou pilot mantendra la celulo dins la direicioun dóu vòu.

2 - DESPLAÇAMEN EN VIRADO :

Pèr faire vira soun aparèi vers la drecho pèr eisample e seguound lou meme principe que vèn d'èstre descri pèr ana en avans lou pilot buto la maniho M vers la drecho pèr coungréia li memi fenoumène de forço mai aplicado i mié-disque de coustat dóu routour. I'aura lou meme tipe d'acioun emé lou levié L de variacioun dóu pas couleitiéu. Mai aqui, lou pilot déura "baia un pau de pèd à la drecho" subre lou palouméu P pèr fin que l'aisse de la celulo restèsse peraqui perpendulàri au raioun d'arcaduro de la virado. Acò sara la memo causo vers la senèstro. D'efèt, deguno direicioun es privilejado.

Se pòu nourmalamen crèire que, tout lou tèms d'uno virado, li coumando soun mantengudo dins si pousicioun coume pèr lou voulant d'uno autoumoubilo. Es de tout en tout pas acò. Se lou fenoumene es mens sensible subre un elicoutèri à l'encauso de sa grando instableta (la celulo es uno espèço de balançadou), es pesqui pas lou cas pèr lis avioun e li planour pèr eisample. D'efèt, quouro lou pilot buto la maniho d'un coustat, l'avioun s'enclino tant que la maniho es mantengudo dins la pousitioun fin qu'à voula d'esquino. Adounc, pèr eisecuta uno virado emé un aerounau à velage fisso vo viradisso, i'a 3 fàci :

ARO, EN VÓU ESTATIOUNÀRI, DE QUE SE PASSO SE LOU PILOT TIRO LA MANIHO À ÉU EN LIOGO DE LOU BUTA ?

Tout founciouno dóu meme biais que pèr ana vers lou davans vo lou coustat. L'elicoutèri se met de recula. Bèn segur, lou pilot lou dèura faire emé touti li precaucioun d'usanço pèr li dangié que pourgis la manobro.

Lienard de Vinci es tengu pèr l'enventaire de l'elicoutèri en prepausant uno machino vouladisso qu'a agu noumado la vis aerenco. Aurié di, à ço que dison : «Un jour l'ome voulara coume un aucéu ». Cresié pas tant bèn dire bord que l'ome saup faire ço que l'aucéu noun saup pas faire, pèr eisample, lou vòu d'esquino perlounga emé un avioun vo un planour e lou vòu estatiounàri emé un elicoutèri. Emé aquéu darrié, tout comme l'aucéu, saup se pausa subre uno surfàci pas mai grando que si "pauto".