Retour au français                    revengudo au prouvençau roudanen

I. GENERALITA : AVIOUN E GIRAVIOUN

VELAGE es lou noum baia i surfàci proufielado
qu'asseguron lou soustèn di machino vouladisso

Quouro uno surfàci proufielo se mòu en l'èr emé uno vitesso V, se coungreio uno butado aeroudinamico verticalo Fn óurientado vers lou daut. Óupausado au pes de l'aparèi, aquesto forço permet lou vòu di "mai lourd que l'èr".

La vitesso es dounc l'elemen essenciau que coungreio, subre un proufiéu, forço aeroudinamico de soustèn.


Subre lis avioun, aquesto vitesso es averado bono-di uno elisso vo un reatour que trai l'aparèi emé
LA VITESSO V.
Pèr un elicoutèri, la vitesso angulàri U es óutengudo bono-di la ROUTACIOUN DÓU ROUTOR entrina pèr un motour.
La forço Fn noumado POURTANÇO ROUTORICO es perpendiculàri au plan de routacioun dóu routor.


Dins tout acò, pèr "teni en l'èr" :
 

     *

 L'avioun dèu èstre mougu d'uno vitesso de meirage V .

     *

L'elicoutèri "se passo" d'aquesto vitesso de meirage estènt que soun velage viro emé la vitesso angulàri U.



La forço P es lou PES de l'aparèi
Lou velage viradis permet à l'elicoutèri de voula verticalamen (mounta e davala) vo de resta inmoubile (vòu estaciounàri). Es aqui l'óuriginalita de l'elicoutèri.
Fn   =   P      vòu estaciounàri
Fn   >   P      vòu verticau que mounto
Fn   <   P      vòu verticau que davalo

La forço Fx es noumado la TIRASSIERO
Mai lou routor asseguro tambèn la butado de l'elicoutèri. Pèr acò abasto bono-di uno coumando aproupriado d'aclina soun plan de routacioun.
 -   Fs   forço de soustèn qu'equilibro lou pes P
 -   Th   forço de butado qu'equilibro la tirassiero Fx e qu'es l'encauso dóu meirage

Pèr countraste à l'avioun (velage fisse) tóuti lis aperèi que lou soustèn es assegura pèr un velage viradis (routor) formo la famiho di GIRAVIOUN. I'a 3 tipe de giravions :
  • l'ELICOUTÈRI
  • l'AUTOUGIRO
  • lou GIROUDINO

L'AUTOUGIRO

Lou routor afoulesi subre soun aisse es mes en routacioun bono-di lou vènt relatiéu vengu dóu meirage de l'aparéi assegura pèr un buto-avans.





Un autougiro es pas capable de voula verticalamen nimai de resta en vòu estatiounàri.

LOU GIROUDINO

Lou routor es entrina pèr un moutour e un buto-avans asseguro lou meirage de l'aparéi.

Lou giroudino es un autougiro que lou routor es mougu pèr un moutour ço que ié permet de voula verticalamen coume l'elicoutèri.

Pèr counclure :

  • pèr lis elicoutèri, lou routor asseguro au cop lou soustèn e la butado,
  • pèr lis autougiro e li giroudino, lou routor asseguro que lou soustèn. La butado es prouvoucado pèr uno elisso vo un reatour.

VAQUI UN ELICOUTÈRI EN VÒU DE MEIRAGE

Notas-bèn eiço :

*  L'enclinesoun du routor creo la forço de tiramen Th,
*  lou ensèmble turbo-moutour entrino lou routor,
*  lou routor de darrié que veiren un pau mai tard.
--ooOoo--